நீங்கள் தேடியது "இங்கிலாந்து இந்தியா கிரிக்கெட் தொடர்"

இந்தியா ‘ஏ’ அணி இங்கிலாந்தில் சுற்றுப் பயணம் செய்து விளையாடி வருகிறது. நேற்று தொடங்கிய நான்கு நாட்கள் கொண்ட டெஸ்ட் போட்டியில் இங்கிலாந்து லயன்ஸ் அணியை எதிர்த்து விளையாடி வருகிறது.

இங்கிலாந்து லயன்ஸ் அணி டாஸ் வென்று பேட்டிங் தேர்வு செய்தது. பர்ன்ஸ், அலஸ்டைர் குக் ஆகியோர் தொடக்க வீரர்களாக களம் இறங்கினார்கள். அலஸ்டைர் குக் சிறப்பான ஆட்டத்தை வெளிப்படுத்தி சதம் அடித்தார். அடுத்து வந்த கப்பின்ஸ் 73 ரன்னும், தாவித் மலன் அரைசதமும் அடிக்க இங்கிலாந்து லயன்ஸ் நேற்றைய முதல்நாள் ஆட்ட முடிவில் 2 விக்கெட் இழப்பிற்கு 310 ரன்கள் குவித்தது.

அலஸ்டைர் குக் 154 ரன்னுடனும், தாவித் மலன் 59 ரன்னுடனும் களத்தில் இருந்தனர். இன்று 2-வது நாள் ஆட்டம் தொடங்கியது. அலஸ்டைர் குக் 180 ரன்கள் எடுத்த நிலையில் ஆட்டமிழந்தார். தாவித் மலன் 74 ரன்கள் எடுத்த நிலையில் வெளியேறினார். இங்கிலாந்து லயன்ஸ் 112.4 ஓவரில் 6 விக்கெட் இழப்பிற்கு 380 ரன்கள் குவித்து முதல இன்னிங்ஸை டிக்ளேர் செய்தது. பின்னர் இந்தியா முதல் இன்னிங்சை தொடங்கியுள்ளது.



33 வயதாகும் அலஸ்டைர் குக் இங்கிலாந்து அணிக்காக நீண்டகாலமாக விளையாடி வருகிறார். சமீப காலமாக அவரது ஆட்டம் சிறப்பானதாக அமையவில்லை. ஆஷஸ் தொடரில் 0-4 என இங்கிலாந்து தோல்வியடைந்தபோது, மெல்போர்ன் டெஸ்டில் மட்டும் இரட்டை சதம் அடித்தார். இந்த போட்டி வெற்றி தோல்வியின்றி டிராவில் முடிந்தது.

சமீபத்தில் பாகிஸ்தானுக்கு எதிராக இரண்டு டெஸ்டில் விளையாடியது. அப்போதும் பெரிய அளவில் ஸ்கோர் அடிக்கவில்லை. தற்போது இந்திய ‘ஏ’ அணிக்கெதிராக 180 ரன்கள் குவித்ததன் மூலம் இந்தியாவிற்கு எதிரான இங்கிலாந்து அணியில் தனது பெயரை ரிஜிஸ்டர் செய்துள்ளார்.

இந்திய அணி உலகக்கோப்பை தொடருக்கு தயாராகும் வகையில் இலங்கையில் நடைபெற்ற தொடரின்போது இந்திய அணி பல்வேறு பரிசோதனை செய்தது. அப்போது கேஎல் ராகுல், கேதர் ஜாதவ், மணிஷ் பாண்டே, ஹர்திக் பாண்டியா, தினேஷ் கார்த்திக், ரகானே ஆகியோரை நான்காவது இடத்தில் களமிறக்கியது.

ஆனால் எந்த வீரரும் அந்த இடத்தில் சரியாக விளையாடவில்லை. இங்கிலாந்திற்கு எதிராக டி20 தொடரில் கேஎல் ராகுலை 3-வது இடத்தில் களமிறக்கி கோலி 4-வது இடத்தில் களமிறங்கினார். இதற்கு நல்ல ரிசல்ட் கிடைத்தது. கேஎல் ராகுல் முதல் ஆட்டத்தில் சிறப்பாக விளையாடி சதம் அடித்தார். கோலி கடைசி இரண்டு போட்டியில் தலா 40 ரன்களுக்கு மேல் அடித்தார்.

இந்நிலையில் விராட் கோலி ஒருநாள் போட்டியில் 4-வது இடத்தில் களமிறங்க வேண்டும் என்று முன்னாள் கேப்டன் கங்குலி தெரிவித்துள்ளார்.



இதுகுறித்து கங்குலி கூறுகையில் ‘‘டி20 தொடரை பார்த்தீர்கள் என்றால், பேட்டிங் வரிசை சரியாக அமைந்ததாக நான் நினைக்கிறேன். கேஎல் ராகுல் 3-வது இடத்திலும், விராட் கோலி 4-வது இடத்திலும் களம் இறங்கி விளையாடியதால், பேட்டிங்கில் இருந்து வந்த பிரச்சனை தீர்ந்ததாக நினைக்கிறேன்.

ஒருநாள் கிரிக்கெட் தொடருக்கு இதுபோன்று களம் இறங்குவது சிறப்பானதாக அமையும் என்பது என்னுடைய ஒட்டுமொத்த நம்பிக்கை. விராட் கோலி ஒருநாள் தொடரில் இந்த எண்ணத்தோடுதான் களம் இறங்குவார் என்று நினைக்கிறேன்’’ என்றார்.